രക്ഷാപ്രവര്‍ത്തനത്തിന് മറൈന്‍ എന്‍ഫോഴ്സമെന്റും

ഓഖി ചുഴലിക്കാറ്റിനെ തുടര്‍ന്ന് കടലില്‍ അകപ്പെട്ടുപോയ മത്സ്യത്തൊഴിലാളികളെ കണ്ടെത്തുന്നതിനായി മറൈന്‍ എന്‍ഫോഴ്സ്മെന്റിന്റെ ആറ് ബോട്ടുകള്‍ ഇന്ന് കടലിലേക്ക് പോയി. പത്ത് കപ്പലുകളാണ് ഇപ്പോള്‍ രക്ഷാപ്രവര്‍ത്തനത്തിനുള്ളത്. അഞ്ച് കപ്പലുകള്‍ കേരള തീരത്തും മറ്റ് അഞ്ചെണ്ണം ലക്ഷദ്വീപിലുമാണ് തെരച്ചില്‍ നടത്തുന്നത്.

മത്സ്യത്തൊഴിലാളികളെ ഉള്‍പ്പെടുത്തിയാണ് മറൈന്‍ എന്‍‌ഫോഴ്സ്‌മെന്റ് തെരച്ചില്‍ നടത്തുന്നതിനായി പുറപ്പെട്ടിരിക്കുന്നത്. പൂന്തുറയില്‍ നിന്നുള്ള 16 മത്സ്യത്തൊഴിലാളികളാണ് സംഘത്തിലുള്ളത്. ഓഖി ദുരന്തത്തില്‍ മരിച്ചവരുടെ എണ്ണം 29ആയി.  92 പേരെയാണ് ഇനി കണ്ടെത്താനുള്ളത്. 34 ദുരിതാശ്വാസ ക്യാമ്ബുകളിലായി 1445 കുടുംബങ്ങളെ മാറ്റി പാര്‍പ്പിച്ചിട്ടുണ്ട്.