എറണാകുളത്ത് ബാങ്ക് ഓഫ് ബറോഡ കെട്ടിടത്തിൽ തീപിടുത്തം

എറണാകുളം ടിഡി റോഡിൽ ബാങ്ക് ഓഫ് ബറോഡയുടെ കെട്ടിടത്തിൽ തീപ്പിടിത്തം. രാവിലെ ആറരയോടെയാണ് സംഭവം.

അഗ്‌നി ശമനസേനയെത്തി തീ അണച്ചെങ്കിലും ബാങ്ക് ഓഫ് ബറോഡയുടെ എറണാകുളം റീജ്യണൽ ഓഫീസിന്റെ ഒരു ഭാഗം പൂർണ്ണമായും കത്തിനശിച്ചു. നിരവധി രേഖകളടക്കം വൻ നാശനഷ്ടങ്ങളാണ് കണക്കാക്കുന്നത്. ഷോർട്ട് സർക്യൂട്ടാണ് തീപിടിത്തത്തിന്റെ കാരണമെന്നാണ് പ്രാഥമിക നിഗമനം.