പ്രതിസന്ധി രൂക്ഷം; പ്രധാനമന്ത്രി നിയമമന്ത്രിയെ കാണുന്നു

സുപ്രീം കോടതിയിലെ നാല് ജഡ്ജിമാര്‍ കോടതി വിട്ട് പ്രത്യേക വാര്‍ത്തസമ്മേളനം നടത്തിയ അസാധാരണസംഭവത്തില്‍ പ്രതിസന്ധി രൂക്ഷമാകുന്നു. ഇതേകുറിച്ച് ചര്‍ച്ച ചെയ്യാന്‍ പ്രധാനമന്ത്രി നരേന്ദ്ര മോദി കേന്ദ്ര നിയമമന്ത്രി രവിശങ്കര്‍ പ്രസാദുമായി കൂടിക്കാഴ്ച നടത്തുന്നു. രാജ്യത്തെ നിയമസംവിധാനത്തെ കുറിച്ച് പ്രതികരിച്ച നാല് ജഡ്ജിമാരുടെ വാര്‍ത്തസമ്മേളനം കൂടുതല്‍ പ്രതിസന്ധികള്‍ സൃഷ്ടിച്ചേക്കും. അതിനാലാണ് പ്രധാനമന്ത്രി നിയമമന്ത്രിയുമായി ഉടന്‍ കൂടിക്കാഴ്ച നടത്താന്‍ തീരുമാനിച്ചത്.