വിലയിടിഞ്ഞ് യുവി; ആര്‍ക്കും വേണ്ടാതെ ക്രിസ് ഗെയ്ല്‍

ഏറ്റവും വലിയ താരമൂല്യത്തില്‍ മുന്‍പ് വില്‍ക്കപ്പെട്ടിട്ടുള്ള യുവരാജ് സിംഗിനെ ഇത്തവണ എല്ലാവരും കൈയ്യൊഴിഞ്ഞു. വന്‍ തുകയ്ക്ക് വില്‍ക്കപ്പെട്ട ചരിത്രമുള്ള യുവി ഇത്തവണ വില്‍ക്കപ്പെട്ടത് വെറും രണ്ട് കോടി എന്ന അടിസ്ഥാന വിലയ്ക്കാണ്. രണ്ട് കോടി രൂപയ്ക്ക് കിംഗ്‌സ് ഇലവന്‍ പഞ്ചാബാണ് യുവിയെ സ്വന്തമാക്കിയത്. അതേ സമയം ട്വന്റി-20 സ്‌പെഷ്യലിസ്റ്റായ വിന്‍ഡീസ് താരം ക്രിസ് ഗെയ്‌ലിനെ ഇതുവരെയും ആരും ലേലത്തില്‍ എടുത്തിട്ടില്ല. അടിസ്ഥാന വില താഴ്ത്തിയായിരിക്കും ഇനി ഗെയ്ല്‍ ലേലത്തില്‍ പരിഗണിക്കപ്പെടുക. കഴിഞ്ഞ സീസണില്‍ റോയല്‍ ചലഞ്ചേഴ്‌സ് ബാംഗ്ലൂരിലായിരുന്നു ഗെയ്ല്‍ കളിച്ചത്.