മാണിക്യ മലരായ പൂവി…പ്രവാചകനിന്ദ ആരോപിച്ച് ഒമര് ലുലുവിനെതിരെ കേസ്
സോഷ്യല് മീഡിയയില് തരംഗം സൃഷ്ടിച്ച് മുന്നേറുകയാണ് ഒരു അഡാറ് ലവ് എന്ന സിനിമയിലെ മാണിക്യ മലരായ പൂവി എന്നു തുടങ്ങുന്ന ഗാനം. എന്നാല് ജനപ്രിയതക്കൊപ്പം ഈ ഗാനമിപ്പോള് വിവാദത്തില് എത്തിപ്പെട്ടിരിക്കുകയാണ്. ചിത്രത്തിലെ ഗാനം മതവികാരം വൃണപ്പെടുത്തിയെന്നാരോപിച്ച് സംവിധായകന് ഒമര് ലുലുവുനെതിരെ കേസ് എടുത്തിരിക്കുകയാണ്. ഹൈദരാബാദ് ഫലഖ്നമ പോലീസാണ് കേസ് എടുത്തിരിക്കുന്നത്. പാട്ട് പ്രവാചക നിന്ദയാണെന്നാരോപിച്ച് ഫറൂഖ് നഗറിലെ ഒരു കൂട്ടം ചെറുപ്പക്കാരാണ് പരാതി നൽകിയത്. നേരത്തെ ചിത്രത്തിലെ ഗാന രംഗത്ത് അഭിനയിച്ചിരിക്കുന്ന പ്രിയ പി. വാര്യര്ക്കും ഗാനം ഒരുക്കിയ ഷാന് റഹ്മാനുമെതിരെയും സമാന പരാതി നൽകിയിരുന്നു. ഹൈദരാബാദ് യൂത്ത് എന്ന സംഘടനയാണ് പരാതി നല്കിയതെന്നാണ് വിവരം. എന്നാല്, വിവാദത്തെ നിയമപരമായി നേരിടുമെന്ന് സിനിമയുടെ സംവിധായകനായ ഒമര് ലുലു മാധ്യമങ്ങളെ അറിയിച്ചു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here