റയല്‍ x പിഎസ്ജി പോര്; ഫുട്‌ബോള്‍ ആരാധകര്‍ക്ക് ഉറക്കമില്ലാത്ത രാത്രി

ചാമ്പ്യന്‍സ് ലീഗില്‍ ഇന്ന് തീപാറുന്ന പോരാട്ടം. ക്രിസ്റ്റ്യാനോ റൊണാണ്‍ഡോയുടെ ആരാധകരും നെയ്മറിന്റെ ആരാധകരും കാത്തിരിക്കുന്നത് തങ്ങളുടെ താരങ്ങളില്‍ ആരായിരിക്കും സാന്റിയാഗോ ബെര്‍ണാബു സ്റ്റേഡിയത്തില്‍ യഥാര്‍ത്ഥ താരമാകുകയെന്ന് അറിയാനായിരിക്കും. ചാമ്പ്യന്‍സ് ലീഗ് നോക്കൗട്ട് റൗണ്ടില്‍ ഇന്ന് രാത്രി 1.15നാണ് റയല്‍ മഡ്രിഡും പിഎസ്ജിയും തമ്മിലുള്ള സൂപ്പര്‍ പോരാട്ടം നടക്കുക. റയല്‍ പരിശീലകന്‍ സിനദിന്‍ സിദാന് ഈ മത്സരം നിര്‍ണായകമാകും. ലാലിഗയില്‍ കിരീടം ലഭിക്കില്ലെന്ന് ഉറപ്പായതോടെ ചാമ്പ്യന്‍സ് ലീഗാണ് റയലിനും സിദാനും ആകെയുള്ള പിടിവള്ളി. അതേ സമയം ക്രിസ്റ്റ്യാനോ റൊണാള്‍ഡോയ്ക്കും നെയ്മറിനും അവരുടെ കഴിവ് തെളിയിക്കാനുള്ള തട്ടകമാണ് സാന്റിയാഗോ ബെര്‍ണാബു സ്റ്റേഡിയം.