മൊബൈൽ ഫോണിൽ സംസാരിക്കാൻ അനുവദിച്ചില്ല; ഭാര്യ ഭർത്താവിനെ മണ്ണെണ്ണ ഒഴിച്ച് കത്തിച്ചു

മൊബൈൽ ഫോണിൽ സംസാരിക്കാൻ അനുവദിക്കാത്ത ഭർത്താവിനെ ഭാര്യ മണ്ണെണ്ണ ഒഴിച്ച് കത്തിച്ചു. ഉത്തർപ്രദേശിലെ ബാലരാംപുർ ജില്ലയിൽ കഴിഞ്ഞ ബുധനാഴ്ചയായിരുന്നു സംഭവം. പൊള്ളലേറ്റു ചികിത്സയിലായിരുന്ന യുവാവ് ഒരാഴ്ചയ്ക്കു ശേഷം മരണത്തിനു കീഴടങ്ങി.

മൊബൈൽ ഫോണിൽ സംസാരിക്കാൻ അനുവദിക്കില്ലെന്ന് നാൻകെ പറഞ്ഞതിൽ പൂജ കടുത്ത അമർഷത്തിലായിരുന്നു. ഉറങ്ങാൻ കിടന്ന നാൻകെയുടെ ശരീരത്തിൽ മണ്ണെണ്ണ തളിച്ച ശേഷം തീകൊളുത്തുകയായിരുന്നു.