നിങ്ങൾ എഫ്ബിയിൽ കണ്ട് മടുക്കാത്തതായിട്ട് ഒരെണ്ണവും ഇല്ല; അശ്ലീല ഫോട്ടോ പ്രചരിപ്പിച്ചവര്‍ക്കെതിരെ ജിപ്സ

തന്റെ അശ്ലീല ഫോട്ടോ മോര്‍ഫ് ചെയ്തവര്‍ക്കെതിരെ നടി ജിപ്സ ബീഗം രംഗത്ത്. രണ്ട് വര്‍ഷമായി സിനിമാരംഗത്ത്  നടിയും പ്രൊഡ്യൂസറുമായി ജോലി ചെയ്യുകയാണ് ജിപ്സ. മാണിക്യമലരായ എന്നു തുടങ്ങുന്ന ഹിറ്റ് പാട്ടിലൂടെ ശ്രദ്ധിക്കപ്പെട്ട ഒമര്‍ ലുലുവിന്‍റെ  ഒരു അഡാറ് ലവ് എന്നചിത്രത്തില്‍ പ്രധാന കഥാപാത്രത്തെ കൈകാര്യം ചെയ്യുന്നുണ്ട് നടി ജിപ്സ. വ്യാജ ഫോട്ടോ പ്രചരിപ്പിച്ചവര്‍ക്കെതിരെ സിറ്റി പോലീസ് കമ്മീഷണര്‍ക്ക് നല്‍കിയ പരാതിയുടെ കോപ്പിയുടെ ഫോട്ടോയും ജിപ്സ ഫെയ്സ് ബുക്കിലൂടെ പങ്ക് വച്ചിട്ടുണ്ട്. ഫെയ്സ് ബുക്കില്‍ ഫോട്ടോ പ്രചരിപ്പിച്ചവര്‍ തന്നെ യുട്യൂബിലും തന്റെ വീഡിയോ പ്രചരിപ്പിച്ചതായി ജിപ്സ പറയുന്നു.

ജിപ്സയുടെ ഫെയ്സ് ബുക്ക് പോസ്റ്റിന്റെ പൂര്‍ണ്ണ രൂപം 

വിവാദങ്ങളെ ഭയപ്പെടാത്തത് കൊണ്ടു് ഇത്പോലെയുള്ളcyber Crime ന്റെ ആദ്യത്തെ ഇര ഞാനല്ല എന്ന് അറിയാവുന്നത് കൊണ്ടും. എനിക്കെന്റേതായ വ്യക്തിത്വം ഉള്ളതു കൊണ്ടാണ് ഞാൻ ഈ പോസ്റ്റ് ഇവിടെ കുറിക്കുന്നത്. ഇന്റർനെറ്റിന്റെ മറവിലിരുന്ന് കഴിഞ്ഞ മൂന്ന് ദിവസമായി എനിക്കെതിരെ സമൂഹ മാധ്യമങ്ങളിൽകൂടെ പിതൃശൂന്യ പ്രവർത്തനം നടത്തുന്ന ഒരു മാന്യനോ ഒരു കൂട്ടം മാന്യൻ മാർക്കോ എതിരായി യുള്ള എന്റെ പ്രതിഷേധമായി നിങ്ങൾ ഈ കുറിപ്പിനെ കാണണം. കഴുത കാമം കരഞ്ഞ് തീർക്കും എന്ന പ്രയോഗം അന്വർത്ഥമാക്കുന്ന രീതിയിൽ 2 ദിവസമായി എന്റെ ചിത്രങ്ങൾക്കൊപ്പം മറ്റാരുടേയോ തലയില്ലാത്ത നഗ്നചിത്രങ്ങൾ കൂടി ചേർത്ത് വച്ച് അശ്ലീല വാട്ട്സപ്പ് ഗ്രൂപ്പുകളിൽ പ്രചരിപ്പിക്കുന്ന മാന്യ നോട് ഒന്നേ പറയാനുള്ളു സ്വന്തം ഭാര്യയുടേയും അമ്മയുടേയും പെങ്ങളുടേയും മകളുടേയും ചാരിത്രത്യത്തെയും പണയം വെച്ച് കഴിയുമ്പോൾ ഞങ്ങളെ പോലുളള സാധാരണക്കാരുടെ മേൽ ആകരുത് പരാക്രമം……….. ഈ അവിവേകം കാണിച്ചവനോട് ദൈവം ചോദിക്കും എന്ന സ്ഥിരം പ്രയോഗം ഈ കാര്യത്തിലുണ്ടാവില്ല….. നിയമം നിയമത്തിന്റെ വഴിയേ പോവുകയും ഇല്ല. നിയമത്തിന്റെ പൂർണ്ണ Supportഓടുകൂടി തന്നെ നല്ല തല്ലും നാടൻ പ്രയോഗങ്ങളും പിത്ര ശുന്യ നായ ആ വ്യക്തിയെ കാത്തിരിപ്പുണ്ട്…. ഇതിന് പുറമെ കേരളാ പോലീസിന്റെ ബംബർ ലോട്ടറിയും……. ആരായാലും അവന്റെ സമയം തെളിഞ്ഞു….