മാണി ഇന്ന് സിപിഎം സമ്മേളനത്തില്‍

സിപിഎമ്മിന്‍റെ സംസ്ഥാന സമ്മേളനത്തില്‍ നടക്കുന്ന സെമിനാറിൽ കെഎം മാണി പങ്കെടുക്കും. മുന്നണി വിപുലീകരണ ചർച്ചകൾ പുരോഗമിക്കുന്നതിനിടെയാണ് മാണി സിപിഎം വേദിയിലെത്തുന്നത്. മാണി വിഷയത്തില്‍ സിപിഐ അടുത്തിട്ടില്ല. സിപിഐ സംസ്ഥാന സെക്രട്ടറി കാനം രാജേന്ദ്രനും സെമിനാറിൽ പങ്കെടുക്കുന്നുണ്ട്. കേരളം ഇന്നലെ ഇന്ന് നാളെ എന്ന വിഷയത്തിൽ നടക്കുന്ന സെമിനാറിൽ സിപിഎം പിബി അംഗം എസ് രാമചന്ദ്രൻ പിള്ള, കേരളാ കോൺഗ്രസ്സ്(ബി) നേതാവ് ആർ ബാലകൃഷ്ണപിള്ള എന്നിവരും പങ്കെടുക്കും. വൈകീട്ട് അഞ്ചരയ്ക്കാണ് സെമിനാര്‍.