ഗവര്‍ണര്‍ക്കെതിരെ ലൈംഗികാരോപണം; ആഭ്യന്തര മന്ത്രാലയം അന്വേഷണം ആരംഭിച്ചു

ഡൽഹി: ദക്ഷിണേന്ത്യയിലെ ഒരു ഗവര്‍ണര്‍ക്കെതിരെ ലൈംഗികാരോപണവുമായി രാജ്ഭവനിലെ വനിതാ ജീവനക്കാര്‍ രംഗത്ത്. രാജ്ഭവനിലെ വനിതാ ജീവനക്കാർ കേന്ദ്ര ആഭ്യന്തര മന്ത്രാലയത്തിനു നൽകിയ പരാതിയെക്കുറിച്ചു ആഭ്യന്തര മന്ത്രാലയം അന്വേഷണം നടത്തിവരികയാണ്. ഗവര്‍ണറുടെ പേരും മറ്റു വിവരങ്ങളും കേന്ദ്രസര്‍ക്കാര്‍ പുറത്ത് വിട്ടിട്ടില്ല. പരാതി രഹസ്യാന്വേഷണ വിഭാഗം പരിശോധിച്ച് വരികയാണെന്നും ഇതില്‍ കഴമ്പുണ്ടെന്ന് കണ്ടെത്തിയാല്‍ ഗവര്‍ണറെ കേന്ദ്രം തിരിച്ചുവിളിക്കുമെന്നും റിപ്പോർട്ട് ചെയ്യപ്പെടുന്നു.