ഹാദിയ ഇസ്ലാം മതം സ്വീകരിക്കുന്നതില്‍ എതിര്‍പ്പില്ലെന്ന് ഹാദിയയുടെ പിതാവ്

ന്യൂഡൽഹി: ഹാദിയ ഇസ്‌ലാം മതം സ്വീകരിക്കുന്നതിൽ എതിർപ്പില്ലെന്ന് പിതാവ് അശോകൻ. സുപ്രീംകോടതിയിൽ സമർപ്പിച്ച സത്യവാങ്മുലത്തിലാണ്‌ അശോകൻ ഇക്കാര്യം വ്യക്തമാക്കിയത്. അമ്പിളി എന്ന സുഹൃത്ത് പിന്തിരിപ്പിച്ചില്ലായിരുന്നുവെങ്കിൽ മുസ്തഫ എന്നയാളുടെ രണ്ടാം ഭാര്യയായി ഹാദിയ യെമനിൽ എത്തുമായിരുന്നുവെന്നും അശോകൻ ചൂണ്ടിക്കാട്ടി. ഫാസിൽ മുസ്തഫ, ഷെറിൻ ഷഹാന എന്നിവരുമായി ഹാദിയയ്ക്കുള്ള ബന്ധം പരാമർശിക്കുന്ന എൻഐഎ റിപ്പോർട്ട് പരിശോധിക്കണമെന്നും അശോകൻ സത്യവാംഗ്മൂലത്തിൽ ആവശ്യപ്പെട്ടിട്ടുണ്ട്.