ഐ ലീഗ് കിരീടം സ്വന്തമാക്കി മിനര്‍വ; ഗോകുലം ഏഴാമത്

ഐ ലീഗ് ചാമ്പ്യന്‍ഷിപ്പ് കിരീടം മിനര്‍വ പഞ്ചാബ് എഫ് സി സ്വന്തമാക്കി. ഇന്ന് നടന്ന പോരാട്ടത്തില്‍ ചര്‍ച്ചില്‍ ബ്രദേഴ്‌സിനെ തോല്‍പ്പിച്ചാണ് മിനര്‍വ കിരീടം ചൂടിയത്. 1-0 ത്തിന് ചര്‍ച്ചില്‍ ബ്രദേഴ്‌സിനെ മുട്ടുകുത്തിച്ച മിനര്‍വയുടെ കന്നി ഐ ലീഗ് കിരീടമാണ് ഇത്തവണത്തേത്. വില്ല്യം ഒപ്പോകു നേടിയ ഗോളാണ് മിനര്‍വയെ കിരീടം ചൂടാന്‍ സഹായിച്ചത്. 16-ാം മിനിറ്റിലാണ് വില്ല്യം ഗോള്‍ നേടിയത്. അതേ സമയം, മോഹന്‍ ബംഗാനുമായുള്ള പോരാട്ടത്തില്‍ ഗോകുലം എഫ്‌സി കേരള 1-1ന് സമനില വഴങ്ങി പോയിന്റ് പട്ടികയില്‍ ഏഴാം സ്ഥാനത്ത് നിലയുറച്ചു.