ബാധ്യതകള്‍ തീര്‍ക്കുമെന്ന് വിജയ് മല്യ

തനിക്ക് സ്വന്തമായി 12,400 കോടിയുടെ സ്വത്തുണ്ടെന്നും അതിനാല്‍ 6,000 കോടിയുടെ ബാധ്യത തീര്‍ക്കാന്‍ തനിക്ക് കഴിയുമെന്നും കിങ് ഫിഷര്‍ ഉടമ വിജയ് മല്യ. കര്‍ണാടക ഹൈക്കോടതിയിലാണ് യുണൈറ്റഡ് ബ്രൂവറീസ് ഹോള്‍ഡിങ്‌സ് ഇക്കാര്യം വ്യക്തമാക്കിയത്. ചീഫ് ജസ്റ്റിസ് ദിനേശ് മഹേശ്വരി തലവനായ ഡിവിഷന്‍ ബെഞ്ച് കേസ് പരിഗണിക്കുന്നത് ഏപ്രില്‍ രണ്ടിലേക്ക് മാറ്റി. നിലവിലെ വിപണിമൂല്യമനുസരിച്ചാണ് വിജയ് മല്യയുടെ സ്വത്ത് 12,400 കോടിയായി കണ്ടെത്തിയിരിക്കുന്നത്. മല്യയുടെ ബാധ്യതകള്‍ 10,000 കോടിയില്‍ താഴെയായിതിനാല്‍ ബാധ്യത തീര്‍ക്കാന്‍ കഴിയുമെന്ന് മല്യയുടെ അഭിഭാഷകന്‍ കോടതിയെ അറിയിച്ചു.