ഫ്രഞ്ച് പ്രസിഡന്റ് ഇന്ത്യയിൽ

ഫ്രഞ്ച് പ്രസിഡന്റ് ഇമ്മാനുവേൽ മക്രോൺ ഇന്ത്യയിലെത്തി. നാലു ദിവസത്തെ സന്ദർശനത്തിനായി കഴിഞ്ഞ ദിവസം രാത്രി ഡൽഹിയിലെത്തിയ മക്രോണിനെ പ്രധാനമന്ത്രി നരേന്ദ്ര മോദി വിമനത്താവളത്തിലെത്തി സ്വീകരിച്ചു.

ഇന്നു രാവിലെ 11.30നു പ്രധാനമന്ത്രി നരേന്ദ്ര മോദിയുമായി ഹൈദരാബാദ് ഹൗസിൽ വച്ചു മക്രോൺ കൂടിക്കാഴ്ച നടത്തും. വാണിജ്യം ,നിക്ഷേപം, ഭീകരവാദം എന്നിവ ചർച്ചയാകും.

ഞായറാഴ്ച നടക്കുന്ന അന്താരാഷ്ട്ര സൗരോർജ സഖ്യ ഉച്ചകോടിയിൽ പങ്കെടുക്കുന്ന മക്രോൺ വൈകിട്ട് ആഗ്രയിൽ താജ് മഹലും സന്ദർശിക്കും.
പതിനൊന്നാം തിയതി ഉത്തർ പ്രദേശിലെ മിർസപൂരിൽ എത്തുന്ന ഫ്രഞ്ച് പ്രസിഡൻറ് സൗരോർജ പദ്ധതി ഉത്ഘാടനം ചെയ്യും. ആദ്യമായാണ് ഇമ്മാനുവേൽ മക്രോൺ ഇന്ത്യയിലെത്തുന്നത്