ആര്‍എംപിയെ വിമര്‍ശിച്ച് കോടിയേരി ബാലകൃഷ്ണന്‍

ആര്‍എംപി പാര്‍ട്ടിക്കെതിരെ കടുത്ത ഭാഷയില്‍ വിമര്‍ശനമുന്നയിച്ച് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. ടി.പി. ചന്ദ്രശേഖരന്റെ വഴിയില്‍ നിന്ന് പാര്‍ട്ടി വ്യതിചലിച്ചുവെന്ന് കോടിയേരി കുറ്റപ്പെടുത്തി. കെ.കെ. രമയുടെ പ്രവര്‍ത്തനങ്ങള്‍ ആര്‍എംപിയെ യുഡിഎഫ് കൂടാരത്തിലെത്തിക്കുന്നതാണെന്നും കോടിയേരി പറഞ്ഞു. ഇന്നത്തെ രാഷ്ട്രീയ സാഹചര്യത്തില്‍ ആര്‍എംപി പാര്‍ട്ടിയുടെ പ്രസക്തി ഇല്ലാതായെന്നും കോടിയേരി കൂട്ടിച്ചേര്‍ത്തു. കഴിഞ്ഞ ദിവസം മുഖ്യമന്ത്രി പിണറായി വിജയന്‍ നിയമസഭയില്‍ കെ.കെ. രമയെ വിമര്‍ശിച്ച് സംസാരിച്ചിരുന്നു.