മാണിയെ എല്‍ഡിഎഫിന്റെ ഭാഗമാക്കുന്നതില്‍ യോജിപ്പില്ല; അതൃപ്തി അറിയിച്ച് ബിനോയ് വിശ്വം

കെ.എം. മാണിക്കെതിരെ സിപിഐ നേതാവ് ബിനോയ് വിശ്വം. കെ.എം. മാണിയുടേത് വെറുക്കപ്പെട്ട രാഷ്ട്രീയത്തിന്റെ മുഖമാണെന്ന് ബിനോയ് വിശ്വം തുറന്നടിച്ചു. എല്‍ഡിഎഫിന്റെ രാഷ്ട്രീയ മൂല്യങ്ങളോട് ചേരുന്നതല്ല മാണിയുടെ സമീപനം. മാണിയുടെ ചിന്താഗതി യുഡിഎഫിന്റെ രാഷ്ട്രീയ മൂല്യങ്ങളോട് ചേര്‍ന്നതാണ്. അതിനാല്‍ തന്നെ മാണിയെ ഇടതുപക്ഷ ജനാധിപത്യ മുന്നണിയിലേക്ക് കൊണ്ടുവരുന്നതിനോട് യോജിപ്പില്ലെന്നും ബിനോയ് വിശ്വം പറഞ്ഞു. കെ.എം. മാണിയ്‌ക്കെതിരെ സിപിഐ സംസ്ഥാന സെക്രട്ടറി കാനം രാജേന്ദ്രനും നേരത്തേ വിമര്‍ശമുന്നയിച്ചിരുന്നു.