വരാപ്പുഴ കസ്റ്റഡി മരണം; സിഐ അഞ്ചാം പ്രതി

വരാപ്പുഴ കസ്റ്റഡി മരണത്തില്‍ പറവൂര്‍ സിഐ ക്രിസ്പിന്‍ സാമിനെ അഞ്ചാം പ്രതിയാക്കി. ആലുവ പോലീസ് ക്ലബില്‍ കഴിഞ്ഞ ഒരു മണിക്കൂറായി അന്വേഷണസംഘം സിഐ ക്രിസ്പിനെ ചോദ്യം ചെയ്യുകയായിരുന്നു. വ്യാജ രേഖകള്‍ നിര്‍മ്മിക്കല്‍, അന്യായ തടങ്കല്‍ തുടങ്ങിയ വകുപ്പുകള്‍ ചേര്‍ത്താണ് സിഐ ക്രിസ്പിനെ പ്രതിയാക്കിയത്. ഔദ്യോഗികമായി അറസ്റ്റ് ഉടന്‍ രേഖപ്പെടുത്തും. കേസില്‍ വരാപ്പുഴ എസ്‌ഐ ദീപക്, മറ്റ് മൂന്ന് ആര്‍ടിഎഫ് ഉദ്യോഗസ്ഥര്‍ തുടങ്ങി നാല് പേരെ നേരത്തേ അറസ്റ്റ് ചെയ്തിട്ടുണ്ട്.