മദ്യനയം ചെങ്ങന്നൂര്‍ ഉപതിരഞ്ഞെടുപ്പിനെ ബാധിക്കില്ല: മാര്‍ത്തോമാ മെത്രാപ്പോലീത്ത

ചെങ്ങന്നൂര്‍ ഉപതിരഞ്ഞെടുപ്പില്‍ മദ്യനയം ചര്‍ച്ചയാകില്ലെന്ന് ജോസഫ് മാര്‍ത്തോമാ മെത്രാപ്പോലീത്ത. ചെങ്ങന്നൂര്‍ മണ്ഡലത്തില്‍ സ്വാധീനമുള്ള മാര്‍ത്തോമാ സഭയുടെ പരമാധ്യക്ഷനാണ് ജോസഫ് മെത്രാപ്പോലീത്ത. സര്‍ക്കാരിന്റെ മദ്യനയത്തിനെതിരെ കെസിബിസിയും മറ്റ് മദ്യവിരുദ്ധ സംഘടനകളും രംഗത്തെത്തിയ സാഹചര്യത്തിലാണ് മെത്രാപ്പോലീത്തായുടെ പ്രസ്താവന. മദ്യനയം ഇടതുപക്ഷത്തെ ബാധിക്കില്ലെന്ന് അദ്ദേഹം പറഞ്ഞു.