അരുണ്‍ ജയ്റ്റ്‌ലിയുടെ വൃക്ക മാറ്റിവയ്ക്കല്‍ ശസ്ത്രക്രിയ പൂര്‍ത്തിയായി

കേന്ദ്ര ധനകാര്യ മന്ത്രി അരുണ്‍ ജയ്റ്റ്‌ലിയുടെ വൃക്ക മാറ്റിവയ്ക്കല്‍ ശസ്ത്രക്രിയ വിജയകരമായി പൂര്‍ത്തിയായി. ശസ്ത്രക്രിയ നടന്ന ന്യൂഡല്‍ഹിയിലെ ഇന്ത്യാ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ് ഇക്കാര്യം സ്ഥിരീകരിച്ചു. ജയ്റ്റ്‌ലിയും വൃക്ക ദാനം ചെയ്ത വ്യക്തിയും ആരോഗ്യത്തോടെയിരിക്കുന്നതായും ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ് അറിയിച്ചിട്ടുണ്ട്. കഴിഞ്ഞ ശനിയാവ്ചയാണ് ജയ്റ്റലിയെ ആശുപത്രിയില്‍ പ്രവേശിപ്പിച്ചത്. കഴിഞ്ഞ ഒരു മാസത്തോളമായി വൃക്ക രോഗത്തെ തുടര്‍ന്ന് ജയ്റ്റ്‌ലി ഡയാലിസിസ് നടത്തിവരികയായിരുന്നു.