ചെങ്ങന്നൂരില്‍ ഭരണത്തിന്റെ വിലയിരുത്തല്‍ കാണാം; സജി ചെറിയാന്‍ വിജയിക്കും: വിഎസ്

ചെങ്ങന്നൂര്‍ ഉപതിരഞ്ഞെടുപ്പില്‍ സര്‍ക്കാരിന്റെ വിലയിരുത്തല്‍ പ്രകടമാകുമെന്നും ഇടതുപക്ഷ സ്ഥാനാര്‍ഥി സജി ചെറിയാന്‍ വിജയിക്കുമെന്നും ഭരണപരിഷ്‌കാര കമ്മീഷന്‍ ചെയര്‍മാന്‍ വി.എസ്. അച്യുതാനന്ദന്‍. ചെങ്ങന്നൂരില്‍ കെ.എം. മാണി പിന്തുണച്ചില്ലെങ്കിലും എല്‍ഡിഎഫ് വിജയിക്കുമെന്നും വി.എസ്. പറഞ്ഞു. എല്‍ഡിഎഫ് ഭരണത്തില്‍ ചെങ്ങന്നൂരിലെ ജനങ്ങള്‍ സംതൃപ്തരാണെന്നും അദ്ദേഹം മാധ്യമങ്ങളോട് പങ്കുവെച്ചു. തിരഞ്ഞെടുപ്പ് പ്രചാരണത്തിന് വിഎസ് ചെങ്ങന്നൂരിലെത്തിയപ്പോഴായിരുന്നു വിഎസിന്റെ പ്രതികരണം.