ആര്‍ആര്‍ നഗര്‍ തിരഞ്ഞെടുപ്പ് നാളെ; ഒന്നിച്ച് നില്‍ക്കാതെ കോണ്‍ഗ്രസും ജെഡിഎസും

തിരിച്ചറിയല്‍ കാര്‍ഡുകള്‍ പിടിച്ചെടുത്തതിനെ തുടര്‍ന്ന് മാറ്റിവെച്ച കര്‍ണാടകത്തിലെ ആര്‍ആര്‍ നഗര്‍ മണ്ഡലത്തില്‍ നാളെ തിരഞ്ഞെടുപ്പ്. കോണ്‍ഗ്രസും ജെഡിഎസും സര്‍ക്കാര്‍ രൂപീകരണത്തിന് സഖ്യമുണ്ടാക്കിയെങ്കിലും ആര്‍ആര്‍ നഗറില്‍ രണ്ട് പാര്‍ട്ടികളും നേര്‍ക്കുനേര്‍ മത്സരിക്കും. ഇരു പാര്‍ട്ടികളും സഖ്യമുണ്ടാക്കി ഒരു സ്ഥാനാര്‍ഥിയെ നിര്‍ത്തുമെന്നായിരുന്നു ആദ്യ റിപ്പോര്‍ട്ടുകള്‍. എന്നാല്‍, സഖ്യം വിധാന്‍ സൗധയില്‍ മാത്രം മതിയെന്ന നിലപാടിലാണ് അവസാനം എത്തിച്ചേര്‍ന്നിരിക്കുന്നത്. സ്ഥാനാര്‍ഥി മരിച്ചതിനാല്‍ തിരഞ്ഞെടുപ്പ് മാറ്റിവെച്ച ജയനഗറില്‍ ജൂണ്‍ 11-നാണ് വോട്ടെടുപ്പ്. അവിടെയും കോണ്‍ഗ്രസും ജെഡിഎസും പരസ്പരം മത്സരിക്കും.