കോട്ടയത്ത് നാളെ ഹർത്താൽ

കെവിൻ മരിച്ചത് പോലീസിന്റെ അനാസ്ഥയെ തുടർന്നാണെന്ന് ആരോപിച്ച് നാളെ ബിജെപിയും യുഡിഎഫും കോട്ടയത്ത് ഹർത്താലിന് ആഹ്വാനം ചെയ്തു. രാവിലെ ആറ് മുതൽ വൈകീട്ട് ആറ് വരെയായിരിക്കും ഹർത്താൽ.

ഇന്ന് രാവിലെയാണ് കുമാരനല്ലൂർ പ്ലാത്തറയിൽ കെവിനെ മരിച്ച നിലയിൽ കണ്ടെത്തിയത്. പുനലൂർ ചാലിയക്കര ആറിലാണ് മൃതദേഹം കണ്ടെത്തിയത്. കഴിഞ്ഞ വ്യാഴാഴ്ചയാണ് കൊല്ലം തെന്മല സ്വദേശിയായ നീനുവും കെവിനും രജിസ്റ്റർ മാര്യേജ് ചെയ്തത്.