കെവിന്റെ കൊലപാതകം; രണ്ട് പേര്‍ കൂടി അറസ്റ്റില്‍

കോട്ടയം സ്വദേശി കെവിന്റെ കൊലപാതകത്തില്‍ രണ്ട് പേര്‍ കൂടി അറസ്റ്റില്‍. നിയാസ്, റിയാസ് എന്നിവരാണ് അറസ്റ്റിലായത്. തിരുനല്‍വേലിയില്‍ നിന്നാണ് രണ്ട് പേരെയും പിടികൂടിയത്. നേരത്തേ ഒരാളെ അറസ്റ്റ് ചെയ്തിട്ടുണ്ട്. ഡിവൈഎഫ്‌ഐ പ്രവർത്തകരാണ് പിടിയിലായവർ.

അതേ സമയം, കൊലപാതകസംഘത്തില്‍ 13 പേരോളം ഉണ്ടെന്നാണ് സൂചന. പോലീസ് അവര്‍ക്കായി അന്വേഷണം ആരംഭിച്ചിട്ടുണ്ട്. പിടിയിലായ ആളാണ് 13 പേര്‍ ഉള്ളതായി മൊഴി നല്‍കിയിരിക്കുന്നത്. കെവിന്‍ വിവാഹം ചെയ്ത നീനുവിന്റെ സഹോദരന്റെ നേതൃത്വത്തിലുള്ള സംഘമാണ് കെവിനെ തട്ടികൊണ്ടുപോയി കൊലപ്പെടുത്തിയത്.