കാലയുടെ റിലീസ് തടയരുതെന്ന് കര്ണ്ണാടക ഹൈക്കോടതി
രജനീകാന്ത് ചിത്രം ‘കാല’യുടെ റിലീസ് തടയരുതെന്ന് കർണാടക ഹൈക്കോടതി. സെൻസർ സർട്ടിഫിക്കറ്റ് ലഭിച്ചു കഴിഞ്ഞാൽ പിന്നെ സിനിമയുടെ റിലീസ് തടയാൻ കഴിയില്ലെന്ന് ‘പദ്മാവത്’ സിനിമ വിവാദത്തിൽ സുപ്രീംകോടതി ഉത്തരവിട്ടിട്ടുണ്ടെന്നാണ് ‘കാല’യുടെ നിർമ്മാതാക്കള് കോടതിയിൽ വാദിച്ചത്. ഇത് കോടതി അംഗീകരിക്കുകയായിരുന്നു. ആവശ്യമായ സുരക്ഷ ഒരുക്കണമെന്നും കർണാടക സർക്കാരിനോട് നിർദേശിച്ചു.
കാവേരി നദീജല തർക്കത്തിൽ കർണാടകയ്ക്കെതിരെ രജനീകാന്ത് നിലപാട് സ്വീകരിച്ചതോടൊണ് ചിത്രത്തിന് എതിരെ കന്നഡ സംഘടനകൾ രംഗത്ത് വന്നത്. എന്നാൽ, മാപ്പു പറഞ്ഞാലും ചിത്രം പ്രദർശിപ്പിക്കാൻ അനുവദിക്കില്ലെന്ന നിലപാടിലാണ് ഇപ്പോൾ കന്നഡ സംഘടനകൾ. പാ രഞ്ജിത്താണ് കാലയുടെ സംവിധായകന്. ധനുഷാണ് ചിത്രം നിര്മ്മിക്കുന്നത്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here