മന്ത്രി സത്യേന്ദ്ര ജെയിൻ ആശുപത്രിയിൽ

ഡൽഹി മുഖ്യമന്ത്രി കെജ്‌രിവാളും മന്ത്രിമാരും നടത്തുന്ന സമരം എട്ടാം ദിവസത്തിലേക്ക് കടന്നു. ഡൽഹി ലെഫ്റ്റനന്റ് ഗവർണറുടെ ഓഫീസിൽ നിരാഹാര സമരമിരിക്കുന്ന മന്ത്രി സത്യേന്ദ്ര ജെയിനിനെ ആശുപത്രിയിൽ പ്രവേശിപ്പിച്ചു. ആരോഗ്യ സ്ഥിതി വഷളായതിനെ തുടർന്നാണ് ആശുപത്രിയിൽ പ്രവേശിപ്പിച്ചത്.

ഇന്നലെ അർധരാത്രിയാണ് ആരോഗ്യസ്ഥിതി വഷളായതിനെ തുടർന്ന് സത്യേന്ദ്ര ജെയിനിനെ ആശുപത്രിയിൽ പ്രവേശിപ്പിച്ചത്. ചൊവ്വാഴ്ച മുതൽ സത്യേന്ദ്ര ജെയിൻ നിരാഹാര സമരത്തിലായിരുന്നു. സത്യേന്ദ്ര ജയിനിനെ ആശുപത്രിയിൽ പ്രവേശിപ്പിച്ചെങ്കിലും കെജ്‌രിവാളും മറ്റ് രണ്ട് മന്ത്രിമാരും സമരം തുടരാൻ തന്നെയാണ് തീരുമാനം.