ഓട്ടോ, ടാക്‌സി പണിമുടക്ക് മാറ്റി

ഇന്ന് നടത്താനിരുന്ന ഓട്ടോ ടാക്‌സി പണിമുടക്ക് മാറ്റിവെച്ചു. ചാർജ് വർദ്ധിപ്പിക്കാമെന്ന ആവശ്യം പരിഗണിക്കാമെന്ന ഗതാഗതമന്ത്രിയുടെ ഉറപ്പിന്മേലാണ് പണിമുടക്ക് മാറ്റാൻ സംഘടനകൾ തീരുമാനിച്ചത്.

ഗതാഗതമന്ത്രി തൊഴിലാളി യൂണിയനുമായി നടത്തിയ ചർച്ചയിലാണ് പണിമുടക്ക് മാറ്റിവെയ്ക്കാനുള്ള തീരുമാനമുണ്ടായത്. അടുത്ത മാസം 20ന് മുൻപ് ചാർജ് വർദ്ദന പരിഗണിക്കാമെന്നാണ് സർക്കാർ സമരക്കാരെ അറിയിച്ചത്.

സംഘടനകൾ ഉന്നയിച്ച ആവശ്യം സർക്കാർ അംഗീകരിച്ചാൽ നിരക്ക് വർദ്ദനയിൽ ഗണ്യമായ മാറ്റമുണ്ടാകാനാണ് സാദ്ധ്യത.