എംബിബിഎസ് പ്രവേശനത്തിന് ബാങ്ക് ഗ്യാരന്റി പാടില്ല; സ്വാശ്രയ കോളജുകൾക്ക് ഹൈക്കോടതിയുടെ കർശന നിർദേശം

എംബിബിഎസ് പ്രവേശനത്തിന് ബാങ്ക് ഗ്യാരന്റി പാടില്ലന്ന് സ്വാശ്രയ കോളജുകൾക്ക് ഹൈക്കോടതിയുടെ കർശന നിർദേശം. എൻട്രൻസ് കമ്മീഷ്ണർ നിർദേശിച്ചതിൽ കൂടുതൽ ഫീസ് വാങ്ങരുതെന്നും കോടതി നിർദേശിച്ചു. ആദ്യവർഷം തന്നെ 5 വർഷത്തെ മുഴുവൻ ഫീസിനും ബാങ്ക് ഗാരന്റി ആവശ്യപ്പെട്ട കൊല്ലം ട്രാവൻകൂർ കോളജിന്റെ നടപടിക്കെതിരെ വിദ്യാർത്ഥിനി സമർപ്പിച്ച ഹർജിയിലാണ് ഡിവിഷൻ ബഞ്ചിന്റെ ഉത്തരവ്.

നവ്യാ രാജീവ് എന്ന വിദ്യാർത്ഥിനിയാണ് മാനേജ്‌മെന്റിനെതിരെ കോടതിയെ സമീപിച്ചത്. ബാങ്ക് ഗ്യാരന്റിയില്ലാതെ വിദ്യാർത്ഥിനിയെ പ്രവേശിപ്പിക്കാൻ കോടതി ഉത്തരവിട്ടു.