ഹിന്ദു പാകിസ്താൻ പരാമർശം; ശശി തരൂർ ഇന്ന് കോടതിയിൽ ഹാജരാകില്ല

ഹിന്ദു പാകിസ്താൻ പരാമർശത്തിൽ ശശി തരൂർ ഇന്ന് കൊൽക്കത്ത കോടതിയിൽ ഹാജരാകില്ല. അഭിഭാഷകനായ സുമിത് ചൗധരി നൽകിയ പരാതിയിൽ ഇന്ന് തരൂരിനോട് നേരിട്ട് ഹാജരാകണമെന്ന് കോടതി ആവശ്യപ്പെട്ടിരുന്നു. എന്നാൽ കീഴ്‌കോടതി ഉത്തരവിനെ മേൽകോടതിയിൽ ചോദ്യം ചെയ്യാനാണ് തരൂരിന്റെ തീരുമാനം.

ഇന്ത്യൻ ശിക്ഷാ നിയമത്തിലെ സെക്ഷൻ 153എ/295എ, ദേശീയതയെ അവഹേളിക്കുന്നത് തടയുന്ന 1971ലെ നിയമം എന്നിവ അനുസരിച്ചാണ് തരൂരിനെതിരെ കേസെടുത്തിരിക്കുന്നത്.