വീടുവിട്ട് വരാത്തവരെ പോലീസ് സഹായത്തോടെ ഒഴിപ്പിക്കും

കുട്ടനാട്ടിൽ പ്രളയത്തിൽപ്പെട്ടിട്ടും വീട് വിട്ട് വരാത്തവരെ പോലീസിന്റെ സഹായത്തോടെ ഒഴിപ്പിക്കും. ജില്ലാ ഭരണകൂടമാണ് ഇക്കാര്യം അറിയിച്ചത്. കുട്ടനാട്ടിലെ ജലനിരപ്പ് ഇപ്പോഴും താഴ്ന്നിട്ടില്ല. ഭക്ഷണം എത്തിച്ചാൽ മതിയെന്നാണ് വീട് വിട്ട് വരാത്തവർ പറയുന്നത്. 11പഞ്ചായത്തുകളിൽ നിന്നായി 85ശതമാനം പേർ മാത്രമാണ് ഒഴിഞ്ഞ് പോയത്. അവിടെ എത്തുന്ന രക്ഷാപ്രവർത്തകരോട് വരുന്നില്ലെന്നാണ് നാട്ടുകാർ പറയുന്നത്.