ചേലയാറിൽ ഒഴുക്കിൽപ്പെട്ട് കാണാതായ യുവാവിന്റെ മൃതദേഹം ലഭിച്ചു

വീട് വൃത്തിയാക്കിയതിനുശേഷം ചങ്ങനാശേരിയിലെ ക്യാമ്പിലേക്ക് മടങ്ങുന്നതിനിടെ ചേലയാറിൽ ഒഴുക്കിൽപ്പെട്ട് കാണാതായ യുവാക്കളിൽ ഒരാളുടെ മൃതദേഹം കിട്ടി. ആലപ്പുഴ വെളിയനാട് സ്വദേശി മുല്ലശേരി ലിബിൻ ബാബുവിന്‍റെ മൃതദേഹമാണ് ലഭിച്ചത്. കാവാലത്ത് നിന്നാണ് മൃതദേഹം കണ്ടെടുത്തത്. വെളിയനാട് കേസറിയാ പള്ളിക്ക് സമീപം വ്യാഴാഴ്ചയാണ്  വള്ളം മറിഞ്ഞ് അപകടമുണ്ടായത്. ലിബിന്‍റെ പിതൃസഹോദരന്‍റെ മകൻ ടിബിനേയും കാണാതായിട്ടുണ്ട് തെരച്ചില്‍ പുരോഗമിക്കുകയാണ്.