മുഖ്യമന്ത്രിയുടെ ദുരിതാശ്വാസനിധി സംഭാവന 700 കോടി കവിഞ്ഞു

മുഖ്യമന്ത്രിയുടെ ദുരിതാശ്വാസനിധി സംഭാവന 700 കോടി കവിഞ്ഞു. ദുരിതാശ്വാസനിധിയിലേക്ക് ഓഗസ്റ്റ് 27 വൈകിട്ട് ഏഴു മണിവരെ 713.92 കോടി രൂപ സംഭാവന ലഭിച്ചു. ഇതിൽ 132.68 കോടി രൂപ സിഎംഡിആർഎഫ് പെയ്‌മെന്റ് ഗേറ്റ്‌വേയിലെ ബാങ്കുകളും യുപിഐകളും വഴിയും 43 കോടി രൂപ പേറ്റിഎം വഴിയും ഓൺലൈൻ സംഭാവനയാണ്. ഇതുവരെ 3.91 ലക്ഷം പേർ ഓൺലൈനായി സംഭാവന നൽകി.

സ്റ്റേറ്റ് ബാങ്ക് ഓഫ് ഇന്ത്യയിലെ സിഎംഡിആർെഫ് അക്കൗണ്ടിൽ 518.24 കോടി രൂപ സംഭാവന ലഭിച്ചു. ഓഗസ്റ്റ് 27ന് മുഖ്യമന്ത്രിയുടെ ഓഫീസിൽ മാത്രം ചെക്കുകളും ഡ്രാഫ്റ്റുകളുമായി 20 കോടി രൂപ ലഭിച്ചു.