ബിജെപി പിന്തുണയോടെ കോണ്‍ഗ്രസിന്റെ അവിശ്വാസം; ഇടതിന് പഞ്ചായത്ത് ഭരണം നഷ്ടമായി

സിപിഐഎം ഭരിക്കുന്ന കോട്ടയം പനച്ചിക്കാട് പഞ്ചായത്തില്‍ കോണ്‍ഗ്രസ് കൊണ്ടുവന്ന അവിശ്വാസം പാസായി. പ്രമേയത്തെ ബിജെപി പ്രതിനിധികള്‍ പിന്തുണക്കുകയായിരുന്നു. ഇതോടെ ഇടതിന് പഞ്ചായത്ത് ഭരണം നഷ്ടമായി.

പഞ്ചായത്ത് പ്രസിഡന്റ് ഇ.ആര്‍ സുനില്‍ കുമാറും വൈസ് പ്രസിഡന്റ് അനില വിജുവുമാണ് അവിശ്വാസത്തില്‍ പുറത്തായത്. 23 അംഗങ്ങളുള്ള പഞ്ചായത്തില്‍ 10 അംഗങ്ങളാണ് ഇടതുപക്ഷത്തിനുള്ളത്. എട്ട് സിപിഎം, 2 സിപിഐ എന്നിങ്ങനെയാണ് ഇടതിന്റെ അംഗസംഖ്യ. കോണ്‍ഗ്രസിന് ഒന്‍പത് അംഗങ്ങളുണ്ട്. ബിജെപിക്ക് നാല് അംഗങ്ങളാണുള്ളത്. ഇതില്‍ മൂന്ന് ബിജെപി അംഗങ്ങള്‍ കോണ്‍ഗ്രസിന്റെ അവിശ്വാസത്തെ പിന്തുണക്കുകയായിരുന്നു. ഒരു ബിജെപി അംഗം വിട്ടുനിന്നു. 12-10 എന്ന നിലയിലാണ് അവിശ്വാസം പാസായത്.