പ്രകൃതി വാതക വില വര്‍ധന ഒക്ടോബര്‍ ഒന്നിന് പ്രാബല്യത്തിലാകും

പ്രകൃതി വാതക വിലയില്‍ 15% ഉയര്‍ച്ചയുണ്ടാകും. പ്രകൃതി വാതക വില 3.03 ഡോളര്‍ /എംഎംബിടിയുവില്‍ നിന്ന് 3.50 ഡോളര്‍/ എംഎംബിടിയു ആകും. ഒരു മില്യണ്‍ ബ്രിട്ടീഷ് തെര്‍മല്‍ യൂണിറ്റിന് .44 ഡോളറിന്റെ (30.8 രൂപ )വര്‍ധന. ഒക്ടോബര്‍ ഒന്നു മുതല്‍ പുതുക്കിയ വില പ്രാബല്യത്തിലാകും.

ഓരോ ആറുമാസം കൂടുമ്പോളുമാണ് വില പുതുക്കല്‍. മാര്‍ച്ചിലായിരുന്നു ഏറ്റവുമൊടുവില്‍ വാതകവില പുതുക്കിയത്. 6% വര്‍ധനയായിരുന്നു അന്ന് ഏര്‍പ്പെടുത്തിയിരുന്നത്. ഗ്രോസ് കലോറിഫിക് മൂല്യം അടിസ്ഥാനമാക്കി സര്‍ക്കാര്‍ കണക്കാക്കുന്ന ഫോര്‍മുല ഉപയോഗിച്ചാണ് വില പുനര്‍നിര്‍ണ്ണയം നടത്തുന്നത്. ഓഎന്‍ജിസി , ഓയില്‍ ഇന്ത്യ തുടങ്ങിയ പൊതുമേഖലാ സ്ഥാപനങ്ങള്‍ക്ക് ലാഭവര്‍ധന ഉണ്ടാകുമെങ്കിലും, ഉപഭോക്താക്കള്‍ക്ക് വില വര്‍ധന തിരിച്ചടിയാകും.