പശ്ചിമഘട്ടത്തിലെ പരിസ്ഥിതി പ്രാധാന്യമുള്ള പ്രദേശങ്ങളുടെ വിജ്ഞാപനം പ്രസിദ്ധീകരിക്കാന്‍ നിര്‍ദേശം

ആറുമാസത്തിനുള്ളിൽ പശ്ചിമഘട്ടത്തിലെ പരിസ്ഥിതി പ്രാധാന്യമുള്ള പ്രദേശങ്ങളുടെ (ഇഎസ്എ) വിജ്ഞാപനം പ്രസിദ്ധീകരിക്കാനായി ദേശീയ ഹരിത ട്രിബ്യൂണലിന്റെ മുഖ്യ ബഞ്ച് കേന്ദ്ര വനം പരിസ്ഥിതി മന്ത്രാലയത്തിന് നിർദേശം നൽകി. 2017 ഫെബ്രുവരി 27 ന് പ്രസിദ്ധീകരിച്ച പരിസ്ഥിതി ലോല പ്രദേശങ്ങളുടെ പട്ടിക തിരുത്തരുതെന്നും നിര്‍ദേശം. ചെയർമാൻ ജസ്റ്റിസ് ആദർഷ് കുമാർ ഗോയലിന്റെ നേതൃത്വത്തിലുള്ള ബെഞ്ചാണ് ഇക്കാര്യം നിര്‍ദേശിച്ചത്.