ശബരിമലയിൽ ഇന്ന് മുതൽ നിരോധനാജ്ഞ

യുവതീപ്രവേശന വിധിയെ തുടർന്ന് സംഘർഷാവസ്ഥ നിലനിൽക്കുന്നതിനാൽ ശബരിമലയിൽ വീണ്ടും നിരോധനാജ്ഞ പ്രഖ്യാപിച്ചു. ചിത്തിര ആട്ടത്തിനോടനുബന്ധിച്ച് നട തുറക്കുന്ന സാഹചര്യത്തിലാണ് ജില്ലാ ഭരണകൂടത്തിന്റെ നടപടി. ഇന്ന് രാത്രി മുതൽ ആറാം തിയതി രാത്രി വരെയാണ് നിരോധനാജ്ഞ.

പമ്പ, നിലയ്ക്കൽ, ഇലവുങ്കൽ, സന്നിധാനം എന്നിവിടങ്ങളിലാണ് നിരോധനാജ്ഞ പ്രഖ്യാപിച്ചിരിക്കുന്നത്. ഈ പ്രദേശങ്ങളിൽ നാളെ രാത്രി മുതൽ ചട്ടം 144 നിലവിൽ വരും.

തുലാമാസ പൂജകളുടെ ഭാഗമായി നട തുറന്നപ്പോഴും സംഘർഷ സാധ്യകൾ കണക്കിലെടുത്ത് ഈ നാലിടങ്ങളിൽ നിരോധനാജ്ഞ പ്രഖ്യാപിച്ചിരുന്നു.