പ്രധാനമന്ത്രി നരേന്ദ്ര മോദിയെ വധിക്കാൻ ലഷ്‌കർ-ഇ-ത്വയ്ബ പദ്ധതിയിടുന്നു : ഇന്റലിജൻസ് റിപ്പോർട്ട്

പ്രധാനമന്ത്രി നരേന്ദ്ര മോദിയെ വധിക്കാൻ ഭീകര സംഘടനയായ ലഷ്‌കർ-ഇ-ത്വയ്ബ പദ്ധതിയിടുന്നതായി ഇന്റലിജൻസ് റിപ്പോർട്ട്. മുംബൈ സ്‌ഫോടനത്തിന്റെ സൂത്രധാരൻ ഹാഫിസ് സെയ്ദിന്റെ നിർദ്ദേശമനുസരിച്ചാണ് മോദി വധിക്കാൻ പദ്ധതി തയ്യാറാക്കുന്നത്.

ലഷ്‌കറിന്‌റെ ചാവേർ സംഘത്തെയാണ് പദ്ധതിക്കായി നിയോഗിച്ചിരിക്കുന്നതെന്ന് റിപ്പോർട്ടിൽ പറയുന്നു. മോഡിയുടെ പരിപാടികൾ ഇവർ സൂക്ഷ്മമായി നിരീക്ഷിക്കുന്നുവെന്നും റിപ്പോർട്ടിൽ പറയുന്നുണ്ട്.

സെവൻ ലോക് കല്യാൺ മാർഗിൽ നിന്ന് സൗത്ത് ബ്ലോക്ക് ഓഫീസിലേക്കുള്ള പ്രധാനമന്ത്രിയുടെ പാത സംഘം നിരീക്ഷിക്കുന്നതായും റിപ്പോർട്ടിലുണ്ട്.