ലോക ചെസ് ചാംപ്യന്‍ഷിപ്പ് കിരീടം തുടര്‍ച്ചയായി നാലാം തവണയും കാള്‍സണ്

ലോക ചെസ് ചാംപ്യന്‍ഷിപ്പ് കിരീടം തുടര്‍ച്ചയായ നാലാം തവണയും മാഗ്‌നസ് കാള്‍സണ്. ടൈബ്രേക്കറില്‍ ഫാബിയാനോ കരുവാനയെ 3-0 ത്തിന് തോല്‍പ്പിച്ചാണ് കാള്‍സണ്‍ ചാംപ്യന്‍പട്ടം നിലനിര്‍ത്തിയത്. ടൈബ്രേക്കറിലേക്കു നീണ്ട പോരാട്ടത്തില്‍ അമേരിക്കയുടെ ഫാബിയാനോ കരുവാനയെ ആദ്യ മൂന്നു റാപ്പിഡ് പോരാട്ടങ്ങളിലും തോല്‍പ്പിച്ചാണ് കാള്‍സണ്‍ ചെസ്സിലെ രാജ പദവി നിലനിര്‍ത്തിയത്. കാള്‍സന്റെ തുടര്‍ച്ചയായ നാലാം ലോകകിരീടമാണിത്. പ്രാഥമിക റൗണ്ടിലെ ആദ്യ 12 പോരാട്ടങ്ങളും സമനിലയായതോടെയാണ് മത്സരം ടൈ ബ്രേക്കറിലേക്ക് നീങ്ങിയത്. കാള്‍സണ് നാല് കോടി നാല്‍പത്തിരണ്ട് ലക്ഷവും കരുവാനയ്ക്ക് മൂന്ന് കോടി 62 ലക്ഷവും സമ്മാനമായി കിട്ടും.