അർജുൻ പാട്ടുപാടിയപ്പോൾ നൃത്തം ചെയ്ത് ഹരിശ്രീ അശോകൻ; വീഡിയോ കാണാം

വിവാഹത്തിന്റെ അന്ന് പാട്ട് പാടി താരമായിരിക്കുകയാണ് സിനിമാതാരം ഹരിശ്രീ അശോകന്റെ മകൻ അർജുൻ. ഡിസംബർ രണ്ടിനായിരുന്നു അർജുന്റെ വിവാഹം. വിവാഹവിരുന്നിനിടെയാണ് അതിഥികൾക്കായി പാട്ടുപാടിയും ന‍ത്തം ചെയ്തും അച്ഛനും മകനും താരമായത്. ഈ വീഡിയോയും ഇപ്പോൾ സാമൂഹ്യമാധ്യമങ്ങളിൽ ഇടംപിടിച്ചിരിക്കുകയാണ്. മകന്റെ പാട്ടിനും അച്ഛന്റെ ഡാൻസിനും നിറഞ്ഞുകൈയടിക്കുന്നുണ്ട് ആരാധകർ.

‘വാരണമായിരം’ എന്ന തമിഴ് ചിത്രത്തിലെ ‘നെഞ്ചുക്കുൾ പെയ്തിടും…’ എന്നു തുടങ്ങുന്ന ​ഗാനമാണ് അർജുൻ ആലപിച്ചത്. തുടർന്ന് വിരുന്നുകാർക്കൊപ്പം പാട്ടുപാടിയും ന‍‍ൃത്തം ചെയ്തും മകന്റെ വിവാഹവിരുന്ന് വർണ്ണാഭമാക്കി ഹരിശ്രീ അശോകൻ. ഇൻഫോപാർക്കിൽ സോഫ്റ്റ് വെയർ എഞ്ചിനീയറായ നിഖിതയാണ് അർജുൻ അശോകന്റെ വധു.

Read more: ജയലളിതയായി നിത്യാ മേനോൻ; രൂപസാദൃശ്യത്തിൽ അതിശയിച്ച് പ്രേക്ഷകർ

മലയാളത്തിന്റെ സൂപ്പർസ്റ്റാർ മോഹൻലാലും മെ​ഗാസ്റ്റാർ മമ്മൂട്ടിയും അടക്കം സിനിമാ സീരിയൽ രം​ഗത്തെ നിരവധി പേർ അർജുന്റെ വിവാഹവിരുന്നിൽ പങ്കെടുത്തു. ‘പറവ’യിലെ ക്രിക്കറ്റ് ഭ്രാന്തനായ കഥാപാത്രത്തിലൂടെയാണ് അര്‍ജുന്‍ ഏറെ ശ്രദ്ധിക്കപ്പെട്ടത്. ഫഹദ് ഫാസിലിന്റെ ‘വരത്തനി’ല്‍ വില്ലന്‍ വേഷത്തിലൂടെയും അര്‍ജുന്‍ ശ്രദ്ധേയനായി. ആസിഫ് അലി നായകനായ മന്ദാരത്തിലും പ്രധാന വേഷത്തില്‍ അര്‍ജുന്‍ എത്തിയിരുന്നു.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top