ജാഗ്രതയോടെ പൊലീസ്; പൊതുമുതൽ നശിപ്പിച്ചവരിൽ നിന്ന് പണം ഈടാക്കും

ഹര്‍ത്താലിന് പിന്നാലെ സംസ്ഥാനത്ത് അക്രമം തുടരുന്നതിനിടെ ശക്തമായ നീക്കങ്ങളുമായി പോലീസ്.  തിരുവനന്തപുരത്തും തൃശൂരും പാലക്കാട്ടും അതീവ ജാഗ്രതയിലാണ് പോലീസ്. മറ്റു ജില്ലകളിളും ജാഗ്രതാ നിർദേശമുണ്ട്. പ്രതികളെ പിടികൂടാൻ സ്റ്റേഷനുകളിൽ നാലംഗ സംഘത്തെ ചുമതലപ്പെടുത്തി.  പ്രതികളുടെ ആൽബം ഉടൻ പുറത്തിറക്കും. അക്രമസംഭവങ്ങളില്‍ 5000 പേർക്കെതിരെ കേസെടുത്തിട്ടുണ്ട്.  1369 പേർ അറസ്റ്റിലായി. അതേസമയം പൊതുമുതൽ നശിപ്പിച്ചവരിൽ നിന്ന് പണം ഈടാക്കാൻ ചീഫ് സെക്രട്ടറി നിർദേശിച്ചു.