മത്സരത്തിനില്ലെന്ന് മുല്ലപ്പള്ളി ; ഉമ്മന്‍ചാണ്ടി മത്സരിക്കണമെന്ന് ആഗ്രഹം

ലോക്‌സഭ തെരഞ്ഞെടുപ്പില്‍ മത്സരിക്കാന്‍ ഇല്ലെന്ന് കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍. സംഘടനയുടെ ചുമതലയുള്ളതിനാല്‍ മണ്ഡലത്തില്‍ ഒതുങ്ങാനാകില്ല.തീരുമാനം നേരത്തെ തന്നെ  പാര്‍ട്ടി കേന്ദ്രനേതൃത്വത്തെ അറിയിച്ചിട്ടുണ്ട്. ഉമ്മന്‍ചാണ്ടി മത്സരിക്കണമെന്നാണ് ആഗ്രഹമെന്നും എവിടെ മത്സരിക്കാന്‍ ആഗ്രഹിച്ചാലും ഐക്യ ജനാധിപത്യമുന്നണി ഇരു കൈയും നീട്ടി സ്വീകരിക്കുമെന്നും മുല്ലപ്പള്ളി കോഴിക്കോട് പറഞ്ഞു.

കേരളത്തില്‍ ഇരുപത് മണ്ഡലങ്ങളിലും ആരൊക്കെ മല്‍സരിക്കണമെന്ന കാര്യത്തില്‍ ഏകദേശ ധാരണയായതായും കെപിസിസി അധ്യക്ഷന്‍ വ്യക്തമാക്കി.