മുകുൾ വാസ്നിക് ഇന്ന് കോട്ടയത്ത്

പാർലമെൻറ് തിരഞ്ഞെടുപ്പിന്റെ മുന്നൊരുക്കങ്ങൾ ചർച്ചചെയ്യാൻ എഐസിസി ജനറൽ സെക്രട്ടറി മുകുൾ വാസ്നിക് ഇന്ന് കോട്ടയത്തെത്തും. കോട്ടയം ലോക്സഭാ മണ്ഡലത്തിലെ നേതാക്കളുമായി തെരഞ്ഞെടുപ്പ് ഒരുക്കങ്ങൾ സംബന്ധിച്ച് ആശയവിനിമയം നടത്തും. കോട്ടയം സീറ്റ് കേരള കോൺഗ്രസിന് നിന്നും പിടിച്ചെടുത്ത് മത്സരിക്കണമെന്ന അഭിപ്രായം നേതാക്കൾ മുകുൾ വാസ്നിക്കിനെ അറിയിച്ചേക്കും. ജില്ലയിൽ നിന്നുള്ള മുതിർന്ന നേതാക്കളും ആശയവിനിമയത്തിൽ പങ്കെടുക്കും. രാഹുൽഗാന്ധിയുടെ കൺവെൻഷൻ, കെപിസിസി അധ്യക്ഷന്റെ കേരളയാത്ര തുടങ്ങിയ വിഷയങ്ങൾ ചർച്ചചെയ്യാൻ രാവിലെ ജില്ലാ നേതൃയോഗവും കോട്ടയത്ത് ചേരും.