മൂന്നാര്‍ വുഡ്‌സ് റിസോര്‍ട്ടിന്റെ കയ്യേറ്റം; സര്‍ക്കാറിന്റെ അപ്പീല്‍ സുപ്രീം കോടതി ഇന്ന് പരിഗണിക്കും

മൂന്നാര്‍ വുഡ്‌സ് റിസോര്‍ട്ടിന്റെ കയ്യേറ്റമൊഴിപ്പിച്ചത് അസാധുവാക്കിയ ഹൈക്കോടതി ഉത്തരവ് ചോദ്യം ചെയ്ത് സംസ്ഥാന സർക്കാർ സമര്‍പ്പിച്ച അപ്പീല്‍ സുപ്രീംകോടതി ഇന്ന് പരിഗണിക്കും. ഹൈക്കോടതി ഉത്തരവ് റദ്ദു ചെയ്യണമെന്നാണ് ഹർജിയിലെ ആവശ്യം. ചീഫ് ജസ്റ്റിസ് രഞ്ജന്‍ ഗൊഗോയ് അധ്യക്ഷനായ ബെഞ്ചാണ് ഹർജി പരിഗണിക്കുക. രണ്ടായിരത്തി ഏഴില്‍ വി.എസ് സര്‍ക്കാരിന്റെ കാലത്ത് നടന്ന കയ്യേറ്റമൊഴിപ്പിക്കല്‍ നിയമവിരുദ്ധമാണെന്നായിരുന്നു ഹൈക്കോടതിയുടെ കണ്ടെത്തല്‍. പൊളിച്ചുമാറ്റിയ കെട്ടിടങ്ങളുടെ ഉടമകള്‍ക്ക് നഷ്ടപരിഹാരം നല്‍കണമെന്നും കോടതി ഉത്തരവിട്ടിരുന്നു.