ബന്ധു നിയമന വിവാദം; ചട്ടലംഘനം ഇല്ല, ഏതന്വേഷണവും നേരിടാൻ തയ്യാര്‍: കെടി ജലീല്‍

ബന്ധുനിയമന വിവാദത്തിൽ ചട്ടലംഘനമില്ലെന്ന് മന്ത്രി കെ.ടി.ജലീൽ. പ്രതിപക്ഷത്തിന്റെ അവകാശലംഘന നോട്ടീസിനെ കാര്യമായി കാണുന്നില്ലെന്നും ബന്ധു നിയമന വിവാദത്തിൽ ഏതന്വേഷണവും നേരിടാൻ തയ്യാറാണെന്നും കെ.ടി ജലീൽ വ്യക്തമാക്കി. ഡി എസ് നീലകണ്ഠന്റെ നിയമനം തന്റെ അറിവോടെയല്ല, ഐകെഎമ്മില്‍ തസ്തിക സൃഷ്ടിച്ചത് കോഴിക്കോട് ജില്ലാ കലക്ടറാണെന്നും മന്ത്രി പറഞ്ഞു. യൂത്ത് ലീഗിന്റെ ആക്ഷേപം മുസ്ലിം ലീഗ് ഏറ്റെടുക്കാത്തത് ആരോപണങ്ങളിൽ കഴമ്പില്ലാത്തതിനാൽ കെടി ജലീൽ പറഞ്ഞു.

ട്വന്റിഫോറിലെ 360 എന്ന പരിപാടിയിൽ പങ്കെടുത്തു കൊണ്ടാണ് മന്ത്രിയുടെ പ്രതികരണം. പരിപാടിയുടെ പൂര്‍ണ്ണ രൂപം ഇന്ന് രാത്രി 7.30ന്  ട്വന്റി ഫോറില്‍ സംപ്രേഷണം ചെയ്യും