ബംഗളൂരുവില്‍ 18 മാസം പ്രായമുളള കുഞ്ഞ് എസ്‌കലേറ്ററില്‍ നിന്ന് വീണ് മരിച്ചു

ബംഗളൂരു: ബംഗളൂരുവിലെ മെട്രോ സ്റ്റേഷനില്‍ 18 മാസം പ്രായമുള്ള പെണ്‍കുഞ്ഞ് എസ്‌കലേറ്ററില്‍ നിന്ന് വീണ് മരിച്ചു. ശ്രീരാംപുര മെട്രോ സ്റ്റേഷനില്‍ തിങ്കളാഴ്ച രാവിലെ എട്ട് മണിക്കായിരുന്നു സംഭവം നടന്നത്.

മെട്രോ സ്റ്റേഷനിലെ എസ്‌കലേറ്ററില്‍ പോകുമ്പോള്‍ മുത്തച്ഛന്റെ കൈയില്‍ നിന്നുമാണ് 18 മാസം മാത്രം പ്രായമുളള ഹാസിനി താഴേക്ക് വീണത്. വീഴ്ച്ചയില്‍ തലയ്ക്ക് സാരമായ പരിക്കേറ്റ ഹാസിനിയെ അടുത്തുള്ള ആശുപത്രിയില്‍ എത്തിച്ചെങ്കില്ലും ജീവന്‍ രക്ഷിക്കാനായില്ല.

Read More: കൊല്ലത്ത് 11 ദിവസം പ്രായമായ കുഞ്ഞ് മരിച്ച നിലയിൽ

എസ്‌കലേറ്ററില്‍ കുഞ്ഞുങ്ങളുമായി കയറുമ്പോള്‍ വളരെയധികം ശ്രദ്ധിക്കണമെന്ന് സംഭവത്തില്‍ പ്രതികരിച്ച് കര്‍ണാടക മുഖ്യമന്ത്രി എച്ച് ഡി കുമാരസ്വാമി പറഞ്ഞു.