സിപിഎം ഒരു വിശ്വാസത്തിനും എതിരല്ല: എം.വി.ഗോവിന്ദൻ

സി.പി.എം ഒരു വിശ്വാസത്തിനും എതിരല്ലെന്ന് സി.പി.എം കേന്ദ്ര കമ്മിറ്റി അംഗം എം.വി.ഗോവിന്ദൻ . എല്ലാവരുടെയും വിശ്വാസം സംരക്ഷിക്കാൻ സി.പി.എം മുന്നിലുണ്ടാകും. വിശ്വാസങ്ങൾക്കെതിരെ പൊരുതണമെന്ന് ചിലർ പറയുന്നത് തെറ്റാണ്. കെ.എസ്‌.കെ.റ്റി.യു വിന്റെ അൻപതാം വാർഷിക ആഘോഷ സമാപനം ഉദ്ഘാടനം ചെയ്യുകയായിരുന്നു അദ്ദേഹം. കേരളത്തിലെ വിശ്വാസികൾ ഭൂരിപക്ഷവും സി പി എമ്മിനൊപ്പമാണ്. വിശ്വാസത്തെ ഉപകരണമാക്കി വർഗീയ വാദികൾ ഉപയോഗിക്കുകയാണെന്നും അദ്ദേഹം പറഞ്ഞു.