ഏഷ്യയിലെ ഏറ്റവും പ്രായം കൂടിയ ഗജമുത്തശ്ശി ദാക്ഷായണി ചരിഞ്ഞു

ഏഷ്യയിലെ പ്രായം കൂടിയ പിടിയാനയെന്ന ഗിന്നസ് റെക്കോഡ് നേടിയ ഗജമുത്തശ്ശി ദാക്ഷായണി ചരിഞ്ഞു. 88 വയസുള്ള ദാക്ഷായണി ചെങ്കള്ളൂര്‍ മഹാദേവ ക്ഷേത്രത്തിലെ ആനയായിരുന്നു. തിരുവനന്തപുരം പാപ്പനംകോട്ടെ ആനക്കൊട്ടിലില്‍ വിശ്രമത്തില്‍ കഴിഞ്ഞുവരുന്നതിനിടെയാണ് ചരിഞ്ഞത്.

അഞ്ച് വയസ്സ് പ്രായമുളളപ്പോള്‍ കോന്നി ആന കൊട്ടിലില്‍ നിന്നും തിരുവിതാംകൂര്‍ കൊട്ടാരത്തിലെത്തിയ ദാക്ഷായണിയെ കൊട്ടാരത്തില്‍ നിന്നും 1949 ല്‍ ദേവസ്വം ബോര്‍ഡിന് ലഭിക്കുകയായിരുന്നു.തിരുവിതാംകൂര്‍ ദേവസ്വത്തിനു കീഴില്‍ ഏറ്റവുമധികം എഴുന്നള്ളിപ്പ് നടത്തിയ ആനയെന്ന നേട്ടവും ദാക്ഷായണി സ്വന്തമാക്കിയിട്ടുണ്ട്. പ്രായമേറിയതോടെ എഴുന്നള്ളിപ്പുകളില്‍ നിന്നും ഒഴിവാക്കി ദാക്ഷായണിയ്ക്ക് വിശ്രമം ഒരുക്കിയിരുന്നു.