കനകദുര്‍ഗയ്ക്ക് ഭര്‍തൃവീട്ടില്‍ കയറാന്‍ അനുമതി

കനകദുര്‍ഗയ്ക്ക് ഭര്‍തൃവീട്ടില്‍ കയറാന്‍ അനുമതി. പുലാമന്തോള്‍ ഗ്രാമീണ ന്യായാലയത്തിന്റേതാണ് വിധി. ഭര്‍തൃവീട്ടില്‍ കനകദുര്‍ഗയെ ആരും തടയാന്‍ പാടില്ലെന്ന് വിധിയില്‍ പറയുന്നു. ഭര്‍ത്താവിന്റെ പേരിലുള്ള വീട് ഉടന്‍ വില്‍ക്കാന്‍പാടില്ലെന്നും നിര്‍ദ്ദേശമുണ്ട്.

ശബരിമല ദര്‍ശനത്തിന് ശേഷം തിരികെയെത്തിയ കനകദുര്‍ഗയെ ഭര്‍തൃമാതാവ് സുമതി മര്‍ദ്ദിച്ചിരുന്നു. പരിക്കേറ്റ കനകദുര്‍ഗയെ പിന്നീട് ആശുപത്രിയില്‍ പ്രവേശിപ്പിച്ചിരുന്നു. കനകദുര്‍ഗ മര്‍ദ്ദിച്ചുവെന്ന് കാണിച്ച് സുമതിയും പൊലീസില്‍ പരാതി നല്‍കി. ഇതിന് പിന്നാലെ കനകദുര്‍ഗയെ ഭര്‍തൃവീട്ടില്‍ നിന്നും പുറത്താക്കി. ഇത് സംബന്ധിച്ച് നല്‍കിയ പരാതിയിലാണ് പുലാമന്തോള്‍ ഗ്രാമീണ ന്യായാലയം കനകദുര്‍ഗയ്ക്ക് അനുകൂല വിധി പുറപ്പെടുവിച്ചിരിക്കുന്നത്.