വര്ഷങ്ങള്ക്ക് ശേഷം ആ പഴയ ജോഡി വീണ്ടും
പഴയകാല നടി സലീമയും ദേവനും ഒന്നിക്കുന്നു. ആരണ്യകം എന്ന ചിത്രത്തിന് ശേഷം ഇരുവരും ഒന്നിച്ച് അഭിനയിക്കുന്ന ചിത്രമാണിത്. 1988ലാണ് ആരണ്യകം പുറത്തിറങ്ങിയത്. എന്നാല് അതിന് ശേഷം സലീമ എന്ന നടി സിനിമയില് നിന്ന് അപ്രത്യക്ഷയായി. ആരണ്യകവും, നഖക്ഷതങ്ങളുമാണ് ഈ നടിയെ കുറിച്ച് ആദ്യം മനസില് ഓടിയെത്തുന്ന ചിത്രങ്ങള് ,എന്നാല് ഞാൻ പിറന്ന നാട്ടിൽ, ഭഗവാൻ തുടങ്ങിയ ചിത്രങ്ങളിലും സലീമ അഭിനയിച്ചുവെങ്കിലും പിന്നീട് ഇറങ്ങിയ ആരണ്യകം എന്ന ചിത്രത്തിലൂടെയാണ് സലീമ പ്രേക്ഷകരുടെ ശ്രദ്ധയാകര്ഷിക്കുന്നത്.
സോഷ്യല് മീഡിയയില് എപ്പോഴും ഈ നടിയെവിടെയാണെന്ന തരത്തില് ചര്ച്ചകള് പുരോഗമിച്ചിരുന്നു. അതിനിടെയിലാണ് മലയാള സിനിമയിൽ സജീവമാകാൻ താത്പര്യമുണ്ടെന്നും കേരളത്തിൽ താമസിക്കണമെന്നും സലീമ വെളിപ്പെടുത്തി രംഗത്ത് എത്തിയത്. ഇതോടെ ആ പഴയ നടി വീണ്ടും വാര്ത്തകളില് നിറഞ്ഞു.
മുന്തിരി മൊഞ്ചന് – ഒരു തവള പറഞ്ഞ കഥ എന്ന ചിത്രത്തിലൂടെയാണ് വര്ഷങ്ങള്ക്ക് ശേഷം സലീമയും ദേവനും ഒന്നിക്കുന്നത്. നവാഗതനായ വിജിത്ത് നമ്പ്യാര് ഒരുക്കുന്ന ചിത്രമാണിത്. ഈ ചിത്രത്തില് ദമ്പതികളായാണ് ഇവര് എത്തുന്നത്. വിശ്വാസ് മൂവി പ്രൈവറ്റ് ലിമിറ്റഡിന്റെ ബാനറില് പികെ അശോകന് നിര്മ്മിക്കുന്ന ചിത്രമാണിത്. മ്യൂസിക്കല് റൊമാന്റിക് കോമഡി ചിത്രമാണിത്. കോഴിക്കോടാണ് ചിത്രത്തിന്റെ ഷൂട്ടിംഗ്. കഥയും തിരക്കഥയും സംഭാഷണവും ഒരുക്കിയിട്ടുള്ളത് മനു ഗോപാലും മൊഹറലി പൊയ്ലുങ്ങല് ഇസ്മായിലുമാണ്.ടൂര്ണമെന്റ്, ഒരു മെക്സിക്കന് അപാരത, ഫ്രൈഡെ തുടങ്ങിയ ചിത്രങ്ങളില് ശ്രദ്ധേയമായ കഥാപാത്രങ്ങള് ചെയ്ത മനേഷ് കൃഷ്ണനാണ് ചിത്രത്തിലെ നായകന്. ബോളിവുഡിലെ പ്രമുഖതാരം കൈരാവി തക്കറും ഈ ചിത്രത്തില് നായികാ തുല്യമായ കഥാപാത്രത്തെ അവതരിപ്പിക്കുന്നുണ്ട്. മാര്ച്ചില് ചിത്രം തീയറ്ററുകളില് എത്തും.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here