ബുര്‍ഖ ധരിച്ച് സ്ത്രീകളുടെ ടൊയ്‌ലെറ്റില്‍; ഗോവ സ്വദേശിക്കെതിരെ കേസ്

ബുര്‍ഖ ധരിച്ച് സ്ത്രീകളുടെ ടൊയ്‌ലെറ്റില്‍ കയറിയ യുവാവ് പിടിയില്‍. 33 കാരനായ ഗോവ സ്വദേശി വിര്‍ജില്‍ ഫെര്‍ണാണ്ടസിനെയാണ് നാട്ടുകാര്‍ പിടികൂടി പൊലീസില്‍ ഏല്‍പ്പിച്ചത്. പനാജി ബസ് സ്റ്റാന്‍ഡിലെ സ്ത്രീകളുടെ ടൊയ്‌ലെറ്റിലാണ് സംഭവം.

ഇന്നലെയാണ് സംഭവം. ബുര്‍ഖ ധരിച്ച് കയറിയ യുവാവിന്റെ പെരുമാറ്റത്തില്‍ സംശയം തോന്നിയ സ്ത്രീകള്‍ ബഹളം വെച്ചതിനെത്തുടര്‍ന്ന് ആളുകള്‍ തടിച്ചുകൂടി. തുടര്‍ന്ന് പൊലീസിനെ വിളിച്ചുവരുത്തി ഇയാളെ ഏല്‍പ്പിക്കുകയായിരുന്നു. ഐ പി സി സെക്ഷന്‍ 419 വകുപ്പ് പ്രകാരം യുവാവിനെതിരെ കേസെടുത്തതായി പൊലീസ് അറിയിച്ചു. ഗവണ്‍മെന്റ് ഉദ്യോഗസ്ഥനാണ് വിര്‍ജില്‍ ഫെര്‍ണാണ്ടസ്.