ആദ്യ വിമാനയാത്ര, പേടി മാറാന്‍ യുവാവ് കാണിക്ക ഇട്ടത് വിമാനത്തിന്റെ എഞ്ചിനില്‍
1 minute Read
ആദ്യമായി വിമാന യാത്ര ചെയ്യുന്നവര്‍ക്ക് പേടി തോന്നുക സ്വാഭാവികമാണ്. എന്നാല്‍ സുരക്ഷിത യാത്രയ്ക്കായി വിമാനത്തിന്റെ എഞ്ചിനില്‍ കാണിക്ക അര്‍പ്പിച്ചെങ്കിലോ. ചൈനയിലാണ് സംഭവം.
അപകടം കൂടാതെ യാത്ര മുഴുമിപ്പിക്കാനായി വിമാനത്തിന്റെ എഞ്ചിനില്‍ നാണയം കാണിക്കയായി ഇടുകയായിരുന്നു യുവാവ്. ചൈനയിലെ ലക്കി എയര്‍ വിമാനത്തിലാണ് സംഭവം. നിന്‍ഗ്ബോയില്‍ നിന്നും അന്‍ഗ്വിംഗിലേക്ക് പോകേണ്ടിയിരുന്ന ലീ എന്ന യുവാവാണ് വിമാനത്തിന്റെ എഞ്ചിനില്‍ കാണിക്കയായി നാണയം ഇട്ടത്.
ജീവനക്കാര്‍ നടത്തിയ പരിശോധനയിലാണ് നാണയം കണ്ടെത്തിയത്. ലീ കുറ്റം സമ്മതിക്കുകയും ചെയ്തു. നാണയം കണ്ടെത്തിയതോടെ വിമാനം ക്യാന്‍സല്‍ ചെയ്തു. 162 യാത്രക്കാരുടെ യാത്രയാണ് യുവാവിന്‍റെ കാണിക്കയിടലിലൂടെ മുടങ്ങിയത്. ഇതിന് പിന്നാലെ ലൂയിയുടെ പക്കല്‍ നിന്നും 1,470,000 രൂപ നഷ്ടപരിഹാരം ഈടക്കാനും ലക്കി എയര്‍ തീരുമാനിച്ചിട്ടുണ്ട്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English